ګردېز (پژاوک، ٢٩ کب ٩٦): د پکتيکا یو شمېر اوسېدونکي او چاروکي وايي چې په واڼه، شمالي او جنوبي وزيرستانونو کې د افغانستان په نوم تذکرې جوړېږي او خلکو ته وېشل کېږي.
د پکتيکا د برمل ولسوالۍ اوسېدونکي صديق الله وزير د کب په ٢٩مه پژواک خبري اژانس ته وويل چې په واڼه، شمالي او جنوبي وزيرستان کې د افغانستان تذکرې پر ٣٠ کلدارو جوړېږي.
هغه وايي: ((دغه کار په دې سيمو کې د کمپيوټرو او فوټوکاپۍ دوکانداران کوي، خلکو ته د افغانستان تذکرې جوړوي او بيا ٣٠ کلدارې ترې اخلي.))
د پکتيکا د سرحدي سيمې يو بل کس د نوم نه اخيستو په شرط پژواک ته وويل چې دغه تذکرې د اصلي تذکرې له مخې په ډېرې اسانې سره جوړوي.
هغه وايي: ((د هر چا چې تذکره په کار وي، ورځي، د اصلي تذکرې له مخې يواځې نوم، د پلار نوم او موقعيت يې بدلوي او نور تذکره ورته جوړوي او ورکوي يې.))
دغه راز د پکتيکا د نفوسو د احوال د ثبت ادارې مشر محمد انور هم پژواک ته ومنله چې په يادو سيمو کې خلکو ته د افغانستان تذکرې ورکول کېږي.
ده وويل: ((د دغه کار د مخنيوي لپاره موږ سرحدي مامورينو او سرتېرو ته خبر ورکړى او هم د پاسپورټ جوړونې پر مهال اول چې تذکره څوک تاييد نه کړي پاسپورت نه ورکوو.))
محمد انور وايي چې دغه موضوع يې له حکومتي مشرانو سره هم شريکه کړې ده.
د يادو څرګندونو په اړه پاکستاني چارواکو تر اوسه څه نه دي ويلي.
د يادونې ده، تر دې وړاندې هم پاکستاني پوځيان د پکتيکا په خاوره کې له صفري نقطې مخ ته راغلي او په ځينو سيمو کې پوځي تاسيسات هم جوړ کړي دي.
غړيYou need to subscribe to view the full article. Please login or register a new account.
