زابل کې څلور پوليس سرتېرو او لس طالبانو ته مرګ ژوبله اوښتې

کلات (پژواک، ١٦ ورى ٩٧) : چارواکي وايي چې د يوې نښتې پر مهال په زابل ولايت کې يو پوليس او څلور وسله وال طالبان وژل شوي دي.

د زابل د ارغنداب ولسوالۍ ولسوال اميرجان الکوزي د وري په ١٦مه پژواک خبري اژانس ته وويل چې دا نښته تېره شپه د دې ولسوالۍ د سرخسنګ په سيمه کې رامنځته شوې وه.

هغه زياته کړه چې وسله والو طالبانو په ياده سيمه کې د پوليسو پر پوستو بريدونه وکړل چې په ترڅ کې يې يو پوليس ووژل شو او درې نور ټپيان شول.

د ولسوال په وينا، د پوليسو په ځوابي بريد کې څلور وسله وال طالبان هم وژل شوي او شپږ نور ټپيان دي.

دى وايي چې د پوليسو يو رينجر هم ويجاړ شوى دى.

وسله والو طالبانو تر اوسه په دې اړه څه نه دي ويلي.

غړي

You need to subscribe to view the full article. Please login or register a new account.