کندهار (پژواک، ۱۷ زمری ۹۷): د کندهار د پوهنې ریاست چارواکو د کندهار ښار او ولسوالیو د ۳۳ ښوونځيو د ودانیو د ترمیم چارې پيل کړې.
دغه راز پر یو شمېر ښوونځيو ۶۱ پایې ډسکټاپ کمپیوټرونه هم ووېشل شول.
د کندهار د پوهنې رییس انجنیر عبدالقادر پیوستون پژواک خبري اژانس ته وویل، د ښوونځیو د ترمیم چارې یې د کندهار ښار له محمود طرزي لېسې پيل کړې دي.
هغه زیاته کړه، په دې لړ کې د ښار او ولسوالیو د ۳۳ ښوونځیو ودانۍ ترمیموي چې په بد حالت کې دي.
دی وايي، د ترمیم پر دغو چارو ۱۶ میلیونه افغانۍ لګښت راځي چې د ښوونځیو د ودانیو د دروازو، کړکیو، دېوالونو او د اوبو سیستم جوړول او د ټولګيو رنګول په کې شامل دي.
د ده په خبره، هڅه کوي د ترمیم دغه چارې د نوي تعلیمي کال له پيل مخکې ترسره شي.
پيوستون یادونه وکړه چې په کندهار ښار کې د پوهنې اړوند د ۱۰ پروژو چارې روانې دي چې په نږدې راتلونکي کې به بشپړې شي.
د پوهنې ریاست چارواکو پر یو شمېر ښوونځيو ۶۱ پایې ډسکټاپ کمپیوټرونه هم ووېشل.
پیوستون وايي، د کمپیوټرونه مرسته په کندهار کې د ملي اردو د ۲۰۵ اتل قول اردو له خوا شوې چې دوی پر ۲۰ ښوونځیو ووېشل شول.
نوموړي د ملي اردو له دې مرستې مننه وکړه او ویې ویل چې په دې توګه به د یادو ښوونځیو اړتیاوې تر یوه حده پوره شي.
د کندهار د پوهنې په تشکيل کې ټول ٤٥٠ ښوونځي شته چې دا مهال يې ٣١٨ پرانيستي دي او نور یې د بېلابېلو ستونزو له امله تړلي دي.
له ګڼو نورو ستونزو سره په خوا کې د ودانیو نشتوالی او د کتابونو کمښت هم هغه څه دي چې د پوهنې بهیر یې ټکنی کړی دی.
د کندهار د ٣١٨ ښوونځيو له ډلې يوازې ١٩٢ ښوونځي ودانۍ لري او نور يې هيڅ ودانۍ نه لري چې له امله یې د ډېرو ښوونځيو زده کوونکي په يخ او ګرم موسم کې تر شنه اسمان لاندې زده کړې کوي او ان خېمې هم نه لري.
غړيYou need to subscribe to view the full article. Please login or register a new account.
