ښرنه (پژواک، ٢٥ وږى ٩٧): د پکتيکا په مرکز ښرنه کې د ١١ ميليونه افغانيو په لګښت د يو کرنيز فارم جوړولو چارې پيل شوې.
په دې اړه جوړې شوې غونډې ته د وږي په ٢٥مه د پکتيکا د کرنې او مالدارۍ رييس نورالله سباوون وويل چې دغه فارم د درېيو مياشتو په موده کې پر ٤٠ جريبه ځمکه د ١١ ميليونه افغانيو په لګښت جوړېږي.
ده وويل چې په دغه فارم کې به د کرنې رياست بېلابېلې نمونوي برخې جوړې شي او تر څنګ به يې کروندګرو ته د کرنې په برخه کې بېلابېل مېتودونه او طريقې هم تدريس شي.
دغه راز په دې غونډه کې د پکتيکا والي الياس وحدت وويل چې د دغه فارم جوړېدل د کروندګرو لپاره يو ښه زيرى دى او بايد هغوی مسلکي تجربې په کې ترلاسه کړي.
ده زياته کړه: ((په دغه ولايت کې د رغونې برخه ښه روانه ده او خلک هم ترې راضي دي.))
همدرانګه يوه کروندګر اسلام شاه پژواک ته وويل چې د دغه شان فارمونو جوړېدل ډېر مهم دي؛ ځکه چې له کروندګرو سره د مسلکيتوب په برخه کې ډېره مرسته کوي.
دغه راز د دغه ولايت کې يو شمېر نورو کروندګرو بيا شکايت وکړ چې د اوبو نه ذخيره کيدو له امله له ستونزو سره مخ دي.
غړيYou need to subscribe to view the full article. Please login or register a new account.
