په خوست کې د ۶۴ پروژو کارونه پيل شول

خوست ښار (پژواک، ۸ ليندۍ ۹۷): په خوست کې د ۱۱۲ ميليونه افغانيو په لګښت د بيارغونې د ۶۴ پروژو کارونه پيل شول.

د بيارغونې دغه پروژې د ولسي تړون پروګرام په چوکاټ د خوست مرکز ترڅنګ د دې ولايت په درې ولسواليو اسماعيل خېل مندوزي، ګربز او نادرشاه کوټ ولسواليو کې پلې کېږي.

د خوست والي حکم خان حبيبي د دغو پروژو د بنسټ ډبرې اېښودو پرمهال پژواک خبري اژانس ته وويل چې په دې پروژو کې د لمريزې برېښنا سيستم، استنادي دېوالونه او د پاکو څښلو اوبو رسولو شبکې شاملې دي.

ده زياته کړه چې د بيارغونې د يادو پروژو په بشپړتيا سره به ۲۱ زره او ۸ سوه کورنۍ له برېښنا او نورو امکانانو څخه برخمنې شي.

په همدې حال کې د خوست د ولايتي شورا منشي قمرعلي لکڼوال، پژواک اژانس ته وويل، دا ټولې هغه پروژې دې چې ګټه يې مستقيماً ولس ته رسيږي او له دولت څخه د ورته نورو پروژو د پلي کېدا غوښتنه کوي.

د يادونې ده چې د خوست مرکز او په يادو درې ولسواليو کې د ولسي تړون په چوکاټ کې د بيارغونې د ۱۷ نورو پروژو کارونه هم روان دي چې په نږدې راتلونکي کې به يې چارې بشپړې او کار اخيستنه به ترې پيل شي.

غړي

You need to subscribe to view the full article. Please login or register a new account.