پلخمري (پژواک، ٦ مرغومى ٩٧): د بغلان په ده صلاح او خنجان ولسوالیو کې د ۲۵ میلیونه افغانیو په لګښت د سړک، د څښاک اوبو او استنادي دېوال د پروژو چارې بشپړې او عملاً ترې استفاده پيل شوه.
د بغلان د کلیو د بیارغونې او پراختیا ريیس انجنیر اول خان احمدزي د مرغومي په ۶مه له دې پروژو د استفادې پيلېدو په مراسمو کې وویل، د ده صلاح ولسوالۍ په شاکش کلي کې د درې میلیونه او اته سوه زره افغانیو په لګښت د څښاک اوبو لس څاه ګانو کار بشپړ شوی چې ۲۵۰ کورنۍ به ترې ګټه اخلي.
ده زياته کړه، دغه راز د ده صلاح ولسوالۍ بازار ته څېرمه د ۸۰۰ متره پاخه سړک چارې د ۱۴ نیم میلیونه افغانیو په لګښت بشپړې شوې چې په دې سره د درېیو ولسوالیو د اوسېدونکو د تګ راتګ ستونزه هواره شوه.
د هغه په وينا، د خنجان ولسوالۍ چوګاني کلي کې هم د ۴۰۰ متره استنادي دېوال چارې بشپړې شوې چې ۴۲۰ کورنۍ ترې د سېلابونو له ګواښه په امن کې شوې دي.
پر دغه دېوال ۷ میلیونه او ۱۱۹ زره افغانۍ لګښت راغلی چې د کلیو د بیارغونې او پراختیا وزارت له لوري ورکړل شوى دى.
د ده صلاح ولسوالۍ د شاکش کلي اوسېدونکي ارباب یوسف وویل، دوی تر دې وړاندې د څښاک لپاره پاکې اوبه نه لرلې؛ ځکه یې ماشومان په بېلابېلو ناروغیو اخته کېدل، خو اوس چې په کلي کې د پاکو اوبو څاه ګانې کېندل شوې، پرې خوښ دي او له دې وروسته به یې کورنۍ هم په ناروغیو نه اخته کېږي.
غړيYou need to subscribe to view the full article. Please login or register a new account.
