پل علم (پژواک، ١٤ ورى ٩٨): په لوګر ولايت کې د ٣٢٨ ميليونو افغانيو په لګښت د نجونو او هلکانو د ۸۸ ښوونځیو لپاره د ودانيو او نورو برخو د جوړولو عملي چارې پيل شوې.
د اړوندې موضوع په اړه جوړې شوې غونډې ته د لوګر د پوهنې رييس عبدالوکيل کليوال وويل چې دغه ښوونیزې پروژې د ولسمشر محمد اشرف غني د ځانګړې پاملرنې له مخې د اقراء پروګرام په مالي مرسته د ولسي تړون له لارې د ۳۲۸ میلیونه افغانیو په لګښت په راتلونکو شپږو میاشتو کې جوړېږي.
د کليوال د معلوماتو له مخې، په يادو پروژو کې ٥٥ ښوونځيو ته د ودانيو جوړول، ٢٦ ښوونځيو ته د څاګانو کېندل او سولري برېښنا او اووه نورو ښوونځيو ته د عصري تشنابونو جوړول شامل دي.
ده زياته کړه: ((د دغو پروژو په تطبیق سره به د ۵۰ زره نجونو په ګډون شاوخوا ۱۳۸ زره زده کوونکو ته د زده کړو لازم ښوونیز چاپیریال برابر شي.))
دغه راز د لوګر والي محمد انورخان اسحاقزي وويل چې حکومت د پوهنې د پرمختګ او پياوړتيا لپاره کلکه اراده لري.
هغه وايي: ((موږ له خلکو غواړو چې خپل بچي ښوونځيو ته ولېږي او ترڅنګ يې د ښوونځيو د ودانيو په ساتنه کې له موږ سره همکار وکړي.))
همدرانګه د لوګر ولايتي شورا رييس حسيب الله ستانکزي له سيمه ييزو مسوولينو وغوښتل چې د پوهنې د کميت ترڅنګ کيفيت ته هم جدي پاملرنه وکړي.
د يادونې ده چې لوګر کې دا مهال ٣٠٧ ښوونيز مرکزونه دي چې له دې شمېرې څخه ١١٤ ودانۍ نه لري.
غړيYou need to subscribe to view the full article. Please login or register a new account.
