اسعداباد (پژواک، ۳ غویی ۹۸):د کونړ د عامې ورغتيا رياست وايي، د دې ولايت د خاص کونړولسوالۍ کې دروغتیاي مرکز(CHC) ودانۍ د عامې روغتیا وزارت د دیارلس اعشاریه اوه میلیونه افغانیو په لګښت جوړه شوه.
د کونړولایت د عامې روغتیا مشر ډاکټر عزیز الرحمن ساپی وايي، دغه ودانۍ په یو پوړ کې د یو کال په موده کې جوړه شوې ده.
د هغه د معلوماتو له مخې، دغه ودانۍ شل خونې لري او ۱۵ بسترونه لري د يوې ښځينه او يو نارینه ډاکترانو په ګډون نور ټول طبي پرسونل پکې خدمات وړاندې کوي.
د کونړ والي عبدالستار میرزکوال د دغه روغتیايي مرکز د پرانستې پرمهال وویل چې ددې مرکز په جوړیدو سره به ولسوالۍ کې د افغان ځواکونو او کډوالو روغتيايي ستونزې ترډیره بریده هوارې شي.
والي زیاته کړه، هغه سيمې چې له روغتیايي مرکزونو لرې پرتې دي د هغوی لپاره دې دموبایل کلنیکونو له لارې روغتیايي خدمات وړاندې کړي.
د خاص کونړ ولسوالۍ یوتن قومي مشر طاوس خان بیا د روغتیاي مرکز په جوړیدو خوښي وښوده خو نوموړي په کلنیک کې د درملو پر شتون ټینګار وکړ.
هغه له حکومتي چارواکو غوښتنه وکړه چې د خاص کونړ ولسوالۍ د مرکز اسعداباد نه لرې او یوه ګڼ نفوسه ولسوالۍ ده ، بايد دلته پنځوس بستريزه روغتون جوړ شي.
غړيYou need to subscribe to view the full article. Please login or register a new account.
