پل علم (پژواک، ٢٣ غويی ٩٨): د کورنيو چارو وزارت وايي چې د ځانګړو ځواکونو په عملياتو کې د لوګر لپاره د وسله والو طالبانو د عشر، زکات، جلب او جذب مسوول نيول شوى دى.
دغه څرګندونې په هغې خبرپاڼه کې شوې چې د کورنيو چارو وزارت له مطبوعاتي دفتره د غويي په ٢٣مه پژواک خبري اژانس ته را لېږل شوې ده.
په خبرپاڼه کې راغلي چې د کورنيو چارو وزارت ځانګړو ځواکونو تېره شپه د لوګر په محمدې اغې ولسوالۍ کې عمليات ترسره کړي دي.
سرچينه زياتوي چې د دغو عملياتو په لړ کې د لوګر لپاره د وسله والو طالبانو د عشر، زکات، جلب او جذب مسوول عبادالله نيول شوى دى.
خبرپاڼه کې زياته شوې: ((عبادالله په لوګر کې په بېلابېلو وسله والو غلاوو او د ملکي خلکو په ځورونه کې لاس درلوده.))
دغه راز د لوګر د امنيې قوماندانۍ وياند شاپور احمدزى هم د عبادالله نيول کېدل تاييدوي خو وايي چې نوموړي په محمد اغې ولسوالۍ کې د طالبانو د عشر، زکات جلب او جذب مسووليت درلود.
وسله والو طالبانو تر اوسه په دې اړه څه نه دي ويلي.
غړيYou need to subscribe to view the full article. Please login or register a new account.
