کابل (پژواک، ٢٨ غبرګولى ٩٨): د کليو پراختيا وزارت له پرمختيايي شوراګانو سره د کونړ سيند د لس کيلومتره استنادي دېوال او د کوچيانو ژوند د ښه والي په موخه د نهو پروژو تړونونه لاسليک کړل.
د کليو پراختيا وزير مجيب الرحمن کريمي د تړونونو د لاسليک په مراسمو کې وويل چې پر دې پروژه ټولې ٣١٢ ميليونه افغانۍ لګښت راځي.
د هغه د معلوماتو له مخې، دغه پروژې په کونړ، کاپيسا، لوګر، خوست، جوزجان، کندهار او زابل ولايتونو کې پلې کېږي.
د ده په وينا، په پام کې ده چې د کونړ سيند پر غاړو د څه باندې يو ميليارد افغانيو په لګښت ٤٠ کيلومتره استنادي دېوال جوړ شي چې ورسره به ٣٦٠٠ هکتاره شاړه ځمکه په کرنيزې هغې بدله شي.
خو هغه وويل چې د ننني تړون له مخې به د شاوخوا ٢٩٠ ميليونه افغانيو په لګښت د اوس لپاره لس کيلومتره استنادي دېوال جوړ شي او پاتې نور به يې راتلونکې کال جوړ کړل شي.
د ده په وينا، له دې پروژې به ٦٠ زره کسان ګټه پورته کړي.
دغه راز دى وايي چې نن د ولسمشر په سپارښتنه د کوچيانو د ژوند د ښه والي په موخه د نهو نورو پروژو تړونونه هم لاسليک شول.
کريمي وايي چې په دغو نهو پروژو کې د اوبو رسولو د پنځو کانالونو جوړول او د څښاک د پاکو اوبو برابرول شامل دي.
د هغه د معلوماتو له مخې، پر دغو پروژو به شاوخوا ٢١ ميليونه افغانۍ ولګول شي.
دى وايي چې له دغو پروژو به ٣١ زره کوچيان ګټه پورته کړي.
غړيYou need to subscribe to view the full article. Please login or register a new account.
