پلخمري (پژواک ١٠ تله ٩٨): سرچينې وايي، د بغلان د امنيه قومندانۍ په انګړ کې د دې ولايت د ولايتي شورا د مرستيال او د سيمه ييزو پوليسو د يوه قومندان ترمنځ وسله واله نښته شوې چې امنيه قومندان او د ولايتي شورا مرستيال په کې ټپيان شوي دي.
د ولايتي شورا د مرستيال ورور نورالحق بارکزي، پژواک خبري اژانس ته وويل چې نن ماښام کابو ٧ بجې د بغلان د امنيه قومندانۍ د انګړ په دننه کې د سيمه ييزو پوليسو د قومندان امين اکاخېل او د ده د ورور شمس الحق بارکزي ترمنځ لفظي شخړې شوې او وروسته يې يو پر بل وسله وال بريد کړى دى.
ده زياته کړه، په دې پېښه کې د ده ورور بارکزى، د بغلان امنيه قومندان سمونوال نيازمحمد نيازمند او د ظاهر په نامه د سيمه ييزو پوليسو د يوې پوستې قومندان ټپيان شوي او يو پوليس وژل شوى دى.
نوموړي د دې ترڅنګ چې د شمس الحق بارکزي روغتيا ډاډمنه وبلله، د پېښې د علت په اړه معلومات نه درلودل.
د بغلان سرپرست والي عبدالقديم نيازي، پژواک ته وويل چې په دې پېښه کې د ولايتي شورا مرستيال بارکزى او امنيه قومندان نيازمند سرسري ژوبل شوي دي.
د ولايتي شورا يوه غړي مولوي راجي هم د دې پېښې پخلى وکړ او ويې ويل چې دغه نښته په امنيه قومندانۍ کې رامنځ ته شوې او بارکزى په خېټه کې په مرمۍ لګېدلى دى.
غړيYou need to subscribe to view the full article. Please login or register a new account.
