د لوګر د استیناف څارنوالۍ یو څارنوال تښتول شوی

پل علم (پژواک، ١٧ لېندۍ ٩٨): د لوګر سيمه ييز چارواکي وايي چې ناپېژاندو وسله والو د دغه ولايت د استيناف څارنوالۍ يو څارنوال تښتولى دى.

د لوګر د والي وياند ديدار لونګ د لېندۍ په ١٧مه پژواک خبري اژانس ته وويل چې نن له غرمې مخکې ناپېژاندو وسله والو د دغه ولايت د استيناف يو څارنوال عبدالغفار د مرکز پل علم د لومړۍ حوزې د موټر پلورنځيو له سيمې تښتولى دى.

هغه وايي: ((تر اوسه معلومه نه ده چې څارنوال چا او د کومې موخې لپاره تښتولى دى.))

خو د والي وياند زياتوي چې پوليسو د څارنوال د پيدا کولو او خلاصون په موخه هلې ځلې پيل کړې دي.

د ياد څارنوال د تښتولو مسووليت تر اوسه چا پر غاړه نه دى اخيستى.

د يادونې ده، تېره شپه په همدې سيمه کې ناپېژاندو وسله والو د لوګر د پاڅونوالو د مشر فرهاد اکبري يو ساتونکى پر چړو وژلى دى.

غړي

You need to subscribe to view the full article. Please login or register a new account.