کابل (پژواک، ١٨ مرغومى ٩٨): د امريکا دفاع وزارت وايي چې ايران په عراق کې د امريکا پر دوو پوځي مرکزونو توغندي توغولي، خو د مرګ ژوبلې په اړه يې تر اوسه کره معلومات نشته دي.
د راپورونو پر بنسټ، نن سهار وخته ايران د عراق پر دوو سيمو اربيل او الاسد کې د امريکا پر پوځي مرکزونو توغندي توغولي دي.
په دغو بریدونو کې د مرګ ژوبلې په اړه تر اوسه څه نه دي ويل شوي.
د امريکايي ځواکونو په يوه خبرپاڼه کې راغلي چې ايران تر لسو ډېر بالستيک توغندي په عراق کې د امريکا پر پوځي مرکزونو توغولي دي.
په خبرپاڼه کې د امريکا د دفاع وزارت وياند جاناتان هافمن ويلي: ((دا څرګنده ده چې دغه راکټي بريدونه ايران ترسره کړي دي.))
بلخوا د امريکا ولسمشر ډونالډ ټرامپ په خپله ټويټر پاڼه کې ليکلي: ((په عراق کې ايران د امريکا پر دوو پوځي اډو راکټونه توغولي، هر څه سم دي، مرګ ژوبله او زيانونه به وڅېړل شي.))
هغه زياته کړې: ((ترا وسه هر څه سم دي، موږ د نړۍ په هره برخه کې ځواکمن او پياوړي ځواکونه لرو، زه د امريکا پر وخت سبا سهار بيانيه ورکوم.))
د امريکا او ايران ترمنځ اړيکې وروسته له هغه ترينګلي شوې چې تېره پنجشنبې په عراق کې د امريکا د سپاه پاسداران د قدس ډلې مشر قاسم سليماني د امريکا د بې پيلوټه الوتکي په بريد کې ووژل شو.
غړيYou need to subscribe to view the full article. Please login or register a new account.










