جلال اباد (پژواک ۱۹ مرغومی ۹۸): د ننګرهار مرکز جلال اباد ښار کې د ولسي تړون پروګرام له لارې د ۱۴ اعشاريه ۴ ميليونو افغانيو په لګښت يو شمېر رغنيزې پروژې بشپړې شوې.
چارواکي وايي، دغو پروژ کې د ويالو، کوڅو، پلچکونو او استنادي دېوالونو رغول شامل دي.
د دغو پروژو پرانيسته د مرغومي په ۱۹مه د جلال ښار اتمه ناحيه کې وشوه.
د جلال اباد ښاروالۍ د اتمې ناحيې آمر بختيار احمد ساحل وويل، دغه ناحيه کې د ولسي تړون ملي پروګرام له لارې ټولې ۶۳ پروژې پلې کېږي چې د ۷۰ سلنه پروژو کارونه يې پيل شوي دي.
دی وايي، تازه د اتم ګذر لپاره د ۱۳ اعشاريه ۴ ميليونو افغانيو پروژې بشپړې شوې چې ۱۱۷۰ کورنۍ به ترې ګټه پورته کړي.
د ولسي تړون پروګرام استازي رحمت الله خوږياڼي وويل، په دغو پروژو کې د ۱۸۳۰متره کوڅو، ۱۷۹۹متره ويالو، ۶پلچکونو او ۳۸۱متره استنادي دېوال رغول شامل دي.
د سيمې يو اوسېدونکي او د نظارتي کمېسيون غړي نور شاه وويل، پروژې د ولس په خوښه او نظارت لاندې ترسره شوي چې ټول خلک یې له شفافيت خوښ دي.
ولسي تړون پروګرام په کليو او ښارونو کې د ولس په نظارت او ونډې رغنيزې چارې ترسره کوي.
غړيYou need to subscribe to view the full article. Please login or register a new account.
