خوست ښار (پژواک، ۸ سلواغه ۹۸): په خوست ولايت کې د دولت له خوا د نهو جامع جوماتونو د جوړولو بنسټ ډبرې کېښودل شوې.
دغه جوماتونه د خوست په نهو ولسواليو عليشېر، نادرشاه کوټ، ګربز، اسماعيل خېل مندوزي، دوه منده، سپېره، ځاځي ميدان، تڼي او موسی خېلو ولسوالیو کې جوړېږي.
د خوست والي محمدحليم فدايي د دغو جوماتونو د بنسټ ډبرو اېښودو پر مهال پژواک خبري اژانس ته وويل چې پر دې جوماتونو ټول ټال ۱۳۵ ميليونه افغانۍ لګښت راځي.
د هغه په وينا، دا جوماتونه د ولسمشرۍ ماڼې د ملي پراختيا د عملياتي او مرستندويې ادارې په مالي لګښت جوړېږي چې چارې به يې په راتلونکي يوه کال کې بشپړې شي.
نوموړي زياته کړه چې د دې جوماتونو جوړولو پر مهال به شاوخوا لس زره مسلکي او غير مسلکي کسانو ته هم د کار زمينه برابره شي.
فدايي زياتوي، دا جوماتونه به د اوبو منظم سيستم، د اودسونو ځای، تشنابونه او نور اړين سهولتونه ولري، پر يوه وخت به ۹زره او پنځه سوه کسانو ته په کې د لمونځ کولو زمينه برابره شي.
هغه وويل چې تر راتلونکې يوې مياشتې پورې به د خوست په پاتې درېيو نورو ولسواليو کې هم د ورته جامع جوماتونو جوړولو کار پيل شي.
بل پلو د خوست د حج اوقافو رييس مولوي اظهارالدين پژواک خبري اژانس ته وويل چې دا مهال په دغه ولايت کې ۲ زره ۱۷ لوی او کوچني جوماتونه موجود دي.
د هغه د معلوماتو له مخې چې تر راتلونکي يونيم کال پورې به ۲۳ نور جوماتونه هم جوړ او ترميم شي.
غړيYou need to subscribe to view the full article. Please login or register a new account.
