پامير قول اردو: د بغلان ګذرګاه نور ولسوالۍ بېرته له طالبانو ونيول شوه

پلخمري (پژواک، ١٠ سلواغه ٩٨): د پامير قول اردو چارواکي وايي چې امنيتي ځواکونو د بغلان د ګذرګاه نور ولسوالۍ بېرته له طالبانو څخه نيولې ده.

شاوخوا شپږ مياشتې وړاندې وسله والو طالبانو د يوه ډله ييز بريد په ترڅ کې د بغلان د ګذرګاه نور ولسوالۍ ونيوله.

خو په شمال زون کې د ٢١٧ پامير قول اردو وياند عبدالهادي جمال د سلواغې په لسمه پژواک خبري اژانس ته وويل چې امنيتي ځواکونو له څو مياشتو وروسته د بغلان د ګذرګاه نور ولسوالۍ  نن بېرته نيولې ده.

جمال زياتوي چې په دغه جګره کې وسله والو طالبانو ته مرګ ژوبله اوښتې، خو کره شمېره يې تر اوسه معلومه نه ده.

بل لورته وسله والو طالبانو تر اوسه په دې اړه څه نه دي ويلي.

په دې اړه به نور جزئيات وروسته خپاره شي.

غړي

You need to subscribe to view the full article. Please login or register a new account.