کابل (پژواک، ۹ چنګاښ ۹۹): د ولسي جرګې د غړو موټرو ته د ځانګړو پلېټونو وېش راتلونکې اوونۍ په داسې حال کې پیلېږي چې د یو شمېر وکیلانو په خبره، اوس مهال د ولسي جرګې د درې زره «و- ج» په نوم پلېټونه په غیر قانوني ډول استفاده کېږي.
د روانې چنګاښ میاشتې په دویمه د ولسي جرګې غړو ویلي وو چې د دې جرګې د «و - ج» درې زره ځانګړي پلېټونه یو شمېر کسان په غیر قانوني ډول خپلو موټرو کې استفاده کوي چې د اندېښنې وړ دي.
دغه راز د پژواک خبري اژانس د یوه خبر پر اساس چې د ۱۳۹۷ کال په مرغومي کې خپور شوی، د ولسي جرګې له پنځو «م-ج» او مشرانو جرګې د پنځو «و-ج» پلېټونو پرته چې د ملي شورا د مجلسونو د داري پلاوي اړوند دي، پاتې ټول دا ډول پلېټونه چې د ملي شورا ډېری غړو جوړ کړي، غیر قانوني دي.
د ولسي جرګې رییس میر رحمان رحماني د جرګې په نننۍ ناسته کې وویل چې د یادې جرګې د کورني امنیت کمېسیون د هڅو پر اساس، د ولسي جرګې د غړو لپاره ځانګړي پلېټونه چاپ شوي او ټاکل شوې ده چې راتلونکې اوونۍ به یې وکیلانو ته د وېش لړۍ پیل شي.
هغه وایي چې د پلېټونو په وېش سره د جرګې له غړو پرته هېڅوک نه شي کولای له دغو ځانګړو پلېټونو ګټه واخلي.
په همدې حال کې د مشرانو جرګې د دارالانشا رییس عبدالمقتدر ناصري له پژواک سره په خبرو کې وویل چې د دې جرګې د ټولو غړو نوملړ تیار او حکومت ته استول شوی څو هغه نوي پلېټونه چې چاپ شوي، د دې جرګې غړو ته هم ووېشل شي.
هغه وایي چې د مشرانو جرګې هر غړي ته درې جوړې ځانګړي پلېټونه ورکول کېږي چې د وکلات د دورې له پای ته رسېدو وروسته له هغوی بېرته راټول او هغه کسانو ته چې تازه ملي شورا ته لار مومي، وېشل کېږي.
غړيYou need to subscribe to view the full article. Please login or register a new account.
