کابل (پژواک، ۲۳ زمرى ۹۹): د عامې روغتیا وزارت له دې سره چې په هېواد کې د کرونا ویروس د مثبتو پېښو خبر ورکوي؛ خو د عاشورا په مراسمو کې له ګډون کوونکو یې وغوښتل چې د کرونا ویروس د خپراوي د مخنیوي په موخه دې له راټولېدو ډډه وکړي.
د عامې روغتیا سرپرست وزير احمد جوا عثماني چې نن یې په کابل کې په یوه خبري ناسته کې خبرې کولې، وویل په هېواد کې له کرونا ویروس څخه د روغو شويو کسانو شمېر ۷۱ سلنې ته لوړ شوی دی.
د هغه په خبره، په دغه ویروس د لس ميلیون اخته کسانو له ډلې اوس مهال شاوخوا ۹ زره يې افغانستان کې موجود دي.
هغه زیاته کړه چې د سولې د مشورتي لویې جرګې په لړ کې پر کرونا ویروس د اخته کسانو د معلومولو لپاره د ۵۱۲۰ کسانو ټسټونه واخیستل شول چې له دې ډلې ۳۱ هغه یې (یو سلنه)پر کرونا ویروس احته وو چې دا په خپله په هېواد کې د دغه ویروس د کچې د راټیټوالي یو ښه خبر دی.
نوموړی وایي، هغه کسان چې پر کرونا ویرس ککړ وو ټول هغه یې د کرونا ځانګړي مرکز ته وړل شوي او د روغتیایي ټېمونه تر څار لاندې دي.
ده وویل:«تراوسه په هېواد کې د کرونا ویروس خطر موجود دی او د دغه ویروس پروړاندې باید خلک بې پروایي ونه کړي او د خپل ځان او نورو د ساتلو لپاره باید روغتیایي سپارښتنې په پام کې ونیسي.»
عثماني وایي چې په هېواد کې د کرونا ویروس د مثبتو پېښو شمېر له ۷۰ څخه ۱۵ سلنې ته راټیټو شوی دی.
همداراز هغه د عاشورا په مراسمو کې د خلکو د راټولېدو په اړه اندېښنه څرګنده کړه او له خلکو یې وغوښتل چې د کرونا ویروس د خپراوي د مخنیوي په موخه دې نه سره راټولېږي.
د عامې روغتیا وزارت د معلوماتو له مخې، په افغانستان کې د کرونا ویروس د خپرواي له پیله تراوسه، په دغه ویروس ٣٧٤٢٤ کسان اخته، ٢٦٧١٤ یې بېرته روغ شوي او ١٣٦٣ هغه یې مړه شوي دي.
غړيYou need to subscribe to view the full article. Please login or register a new account.
