لښکرګاه (پژواک، ٢١ تله ٩٩): د هلمند د برېښنا رياست چارواکي وايي چې د هلمند-کندهار د دوراهي په سيمه کې د برېښنا د يوه سب سټېشن وسايل چور شوي دي.
د هلمند د برېښنا رييس انجنير وحيدالله عليزي د تلې په ٢١مه پژواک خبري اژانس ته وويل چې تېره شپه د ٦٠١ نمبر شاهراه په سيمه کې د برېښنا د يوه سب سټېشن وسايل د خلکو له خوا وړل شوي دي.
نوموړی وايي چې دغه سب سټېشن په ميليونونو ډالرو جوړ شوى و چې د کجکي برېښنا بند، برېښنا به د همدې له لارې د کندهار او هلمند خلکو ته وېشل کېده.
دى وايي چې د سب سټېشن د چور کېدو له امله دا مهال د کندهار او هلمند پر خلکو برېښنا هم پرې شوې ده.
دغه راز يوې بلې سرچينې پژواک ته وويل چې يادې سيمې ته د طالبانو له راتګ وروسته دغه سب سټېشن چور شوى دى.
سرچينې زياته کړه: ((دغه سيمه چې کله طالبانو نيولې، له هغه وروسته خلک راغلي او دغه سب سټېشن يې چور کړی دی.))
دغه سرچينه وايي چې د ياد سب سټېشن ساتونکي طالبانو له ځان سره بېولي نو ځکه خلکو ته د سب سټېشن د چور زمينه برابره شوې ده.
بل لورته طالبانو تر اوسه په دې اړه څه نه دي ويلي.
غړيYou need to subscribe to view the full article. Please login or register a new account.
