مزارشريف (پژواک، ۲۹ لېندۍ ۹۹): د بلخ ولايت د شولګرې ولسوالۍ د ملي امنيت مدير د ماين په يوه چاودنه کې وژل شوی دی.
د دغه ولايت يوې باوري امنيتي سرچينې د لېندۍ په ٢٩مه پژواک خبري اژانس ته وويل چې د شولګر ولسوالۍ د ملي امنيت مدير احمد نويد پرون له غرمې وروسته له خپلو دوو ساتونکو سره د ماين په چاودنه کې ټپي شو.
خو يادې سرچينې وروسته وويل چې احمد نويد وروسته په روغتون کې د ټپونو له امله ساه ورکړه.
د سرچينې په حواله، نوموړی له شولګر ولسوالۍ مزار ښار ته پر لاره و چې د يادې ولسوالۍ د بودنه قلعه په سيمه کې يې پر ټانګ د سړک غاړې ماين چاودنه وشوه.
د بلخ امنيې قومانداني په دې تړاو له خبرو کولو ډډه وکړه.
د بريد مسووليت هم تر اوسه چا پر غاړه نه دی اخيستی.
Visits: 5
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن