کندهار ښار (پژواک، ٢٩ سلواغه ٩٩) : وسله والو کسانو د کندهار په ډنډ ولسوالۍ کې حشمت کلا ته څېرمه په يوه بريد کې د پخواني ولسمشر يو ساتونکی له خپل زوی سره وژلی دی.
ددې ولايت يوې امنیتي سرچینې د سلواغې په ٢٩مه، پژواک اژانس ته وویل، پېښه نن ماښام شپږ بجې شوې ده.
دغه سرچینه زیاتوي، د نانک اغا په نوم دغه کس له خپل ديارلس کلن زوی سره په یوه دوکان کې ناست و چې برید پرې وشو.
د سرچينې په وينا، د برید په پایله کې پلار او زوی دواړه وژل شوي او بريدګر تښتېدلي دي.
د یادونې ده چې نن سهار د کندهار ښار د دویمې امنیتي حوزې اړوند قادري سرای ته څېرمه هم د وسله والو په برید کې د ملي امنیت یو کارکوونکی وژل شوی.
د یادو شوو دوړاو پېښو مسوولیت وسله والو طالبانو اخیستی دی.
Visits: 348
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن