پل علم (پژواک، ١٠ کب ٩٩): امنيتي سرچينې وايي چې د لوګر په محمداغې ولسوالۍ کې ناپېژانده وسله الو يو انجنير پر ډزو وژلى دى.
په لوګر کې يوې امنيتي سرچينې د کب په لسمه پژواک خبري اژانس ته وويل چې نن له غرمې مخکې د محمداغې ولسوالۍ په سرخ اب سيمه کې ناپېژانده وسله والو يو انجنير پر ډزو وژلى دى.
د سرچينې د معلوماتو له مخې،ياد کس شاوخوا څلور مياشتې وړاندې د کندهار پوهنتون د انجنيرۍ له پوهنځي څخه فارغ شوى و.
ده وويل چې د يادې پېښې په تور تر اوسه څوک نه دي نيول شوي.
دغه راز د سيمې يوه اوسېدونکي شريف الله پژواک ته وويل چې وژل شوى انجنير عبدالباري احساس نومېده.
ده هم وويل چې د انجنيرۍ له پوهنځي څخه فارغ شوى و خو تر اوسه يې رسمي دنده نه درلوده.
بل لورته د لوګر امنيتي مسوولينو او د دولت وسله والو مخالفينو تر اوسه په دې اړه څه نه دي ويلي.
غړيYou need to subscribe to view the full article. Please login or register a new account.
