ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

عراق کې د کرونا روغتون کې د اورلګېدنې له امله ٨٢ ناروغان مړه شوي

25 Apr 2021 - 16:17
25 Apr 2021 - 16:17

کابل (پژواک، ٥ غويى ١٤٠٠) : په عراق کې د کرونا ناروغانو په يوه روغتون کې د اورلګېدنې له امله ٨٢ ناروغان مړه شوي دي.

عراقي رسنيو خبر ورکړى چې دا پېښه تېره شپه د عراق پلازمېنې بغداد په ابن الخطيب روغتون کې د اکسيجن بالون د چاودنې له امله رامنځته شوې ده.

ځايي چارواکو ويلي، تر چاودنې وروسته د اور وژنې عمله سيمې ته ورسېدله او په څو ساعتونو کې يې اور مړ او له روغتون څخه يې ناروغان او روغتيايي کارکوونکي وایستل.

خو د روغتون مسوولينو ويلي چې په دې څو ساعتونو کې ٨٢ ناروغان د اور لګېدنې له امله مړه شوي او يو شمېر نور سخت سوځېدلي چې نورو روغتونونو ته د درملنې په موخه لېږدول شوي دي.

د عراق د عامې روغتيا وزارت ويلي چې د اورلګېدنې پر مهال د کرونا سخت ناروغان د وينټلاټورونو تر ماشينونو لاندې وو، خو کله چې له دې ماشينونو څخه وایستل شول، يو شمېر يې مړه شول.

Hits: 30

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.