کابل(پژواک،۱ چنګاښ ۱۴۰۰): سیمه ییزې سرچینې وايي چې طالبانو تېره شپه د جوزجان ولایت قرقین او خماب ولسوالۍ او د پکتیا ولایت ځاځي اریوب، احمدخېل او لجه منګل ولسوالۍ نیولې دي.
د جوزجان قرقین او خماب ولسوالۍ
د طالبانو ویاند ذبېح الله مجاهد ادعا کړې چې د دوی کسانو تېره شپه له جګړې پرته د جوزجان ولایت خماب او قرقین ولسوالۍ نیولې او ډېره اندازه وسلې او مهمات یې لاس ته ورغلي دي.
د جوزجان مرستیال والي عبدالقادر مالیه پژواک ته منلې چې له امنیتي سرتېرو سره اړیکه پرې شوې خو د معلوماتو له مخې، طالبان تر اوسه ولسوالۍ ته نه دي داخل شوي.
هغه په ډاګه کړه: ((د دولت مخالفین له تبلیغي جګړې په استفاده غواړي د خلکو ترمنځ روحیه خرابه کړي.))
د قرقین ولسوالۍ اوسېدونکي غلام سخي وویل، امنیتي سرتېرو تېر مازیګر خپل ټول تجهیزات د قرقین او خماب ولسوالیو له مرکزونو ایستلي او خواجه دوکوه ولسوالۍ ته یې انتقال کړي دي.
هغه زیاته کړه چې تېره شپه په دواړو ولسوالیو کې د قدرت تشه وه، نه ترې دولتي سرتېرو او نه ترې طالبانو خبر درلود.
نوموړي وویل، طالبان نن سهار اووه بجې د قرقین ولسوالۍ مرکز ته داخل شوي، په بازار او کوڅو کې یې پر موټرسایکل تګ راتګ کاوه.
د پکتیا ولایت ځاځي اریوب، احمدخېل او لجه منګل ولسوالۍ طالبانو نیولې دي You need to subscribe to view the full article. Please login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن