ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

د امریکا سفارت: په فاریاب کې د دولتي تاسیساتو ورانول د طالبانو افراطیت څرګندوي

د امریکا سفارت: په فاریاب کې د دولتي تاسیساتو ورانول د طالبانو افراطیت څرګندوي

author avatar
28 Jun 2021 - 09:53
د امریکا سفارت: په فاریاب کې د دولتي تاسیساتو ورانول د طالبانو افراطیت څرګندوي
author avatar
28 Jun 2021 - 09:53

کابل (پژواک، ۷ چنګاښ ۱۴۰۰): په افغانستان کې د امریکا سفارت وایي چې په فاریاب کې یې د طالبانو په لاس د تاسیساتو ورانولو او د خلکو نیولو «حيرانوونکي» راپورونه لیدلي دي.

په ځینو رسنیو او‌ ټولنیزو شبکو کې داسې ویډیوګانې او راپورونه خپاره شوي چې ګواکې طالبانو د فاریاب د اندخوې ولسوالۍ له نیولو وروسته هلته تاسیسات ویجاړ کړي دي.

د امریکا سفارت شارژدافیر راس ویلسن پرون ناوخته په خپل ټویټر کې په دې اړه د سفارت د مرستیال جان مک کري خبرې خپرې کړې دي.

مک کري ویلي: «د فاریاب د اندخوی ولسوالۍ حیرانوونکي او بوږنوونکي راپورونه ګورم. د طالبانو له لوري د دوکانونو او حکومتي ودانیو سوځول، د تاسیساتو او مخابراتي شبکو ویجاړول د هغوی افراطیت او د افغانانو بشري حقونو ته نه درناوی څرګندوي.»

په ټویټ کې ویل شوي نه دي چې طالبانو په اندخوی کې څومره ځاني او مالي تلفات اړولي دي.

له دې مخکې هم داسې ویډیوګانې خپرې شوې وې چې طالبانو په فراه ولایت کې د اناردرې ولسوالۍ ودانۍ پر بمونو الوځوي او د فاریاب په قیصار کې یوې څلور پوړیزې ودانۍ ته چاودنه ورکوي.

بلخوا د طالبانو ویاند ذبیح الله مجاهد د امریکا سفارت پر ټویټ غبرګون ښودلی. هغه په خپل ټویټر کې لیکلي، د فارياب د اندخوی په اړه د امريکا د سفارت څرګندونې بې مسؤوليته او بې اساسه دي.

مجاهد زیاته کړې، طالبان د خپلې خاورې، هېواد او ولس ساتنه خپله وجيبه ګڼي؛ دا بهرنیان دي چې له شلو کلونو راهيسې يې هېواد او ولس وواژه او هر څه يې ورته له منځه يووړل.

هغه ویلي چې په اندخوی او همدارنګه د پروان په سياګرد ولسواليو کې د حکومتي ځواکونو له خوا پر خلکو، بازار او د ولسوالۍ په ودانيو بمبارونه وشول چې ورانی يې رامنځته کړ.

Views: 201

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.