مزار شریف ( پژواک ۸ زمری ۱۴۰۰)ځایی مسوولین وایی چی مزار شریف ښار کې ماین چاودنې ۵ کسان ټپیان کړل
بلخ د پولیسو ویاند عادل شاه عادل پژواک ته وویل چې دغه چاودنه د جمعې ورځې په ماسپښین د مزار ښار زراعت کارته کې شوې ده.
هغه زیاته کړه چې په یاده چاودنه کې ۵ کسان ټپیان شوي دي.
عادل په دې تړاو نور جزیات ورنکړل
په ورته مهال له مزاره د تښتول شوي ماشوم عبدالروف پلار محمد نبي پژواک ته وویل چې چاودنه ده پورې اړوند د تیلو یو ټانګ کې شوه ده.
محمد نبي د چاودنې عاملین د خپل زوی تښتوونکي بولي او وایي چې د ده د وژلو هدف یې درلود.
د هغه په خبره چاودنه کې د ده د څلورو ساتونکو په ګډون ۹ کسان ټپیان شوي دي.
