کابل (پژواک، ۱۹ لیندۍ ۱۴۰۰): ټاکل شوې د اروپايي ټولنې ۱۵۰ټنه هغه طبي توکي او تجهیزات چې له افغانستان سره مرسته کوي، راتلوونکې اوونۍ هېواد ته راورسیږي.
د اروپایي ټولنې په خبرپاڼه کې راغلي چې دغه مرستې د سره صلیب، المان، فرانسې، یونیسف او د روغتیا نړیوال سازمان له لوري چمتو شوې دي.
د اروپايي ټولنې د بحران د مدیریت کمیسار یانز لنارچیچ د افغانستان وضعیت د اندېښنې وړ بللی او ویلي یې دي چې د دغه وضعیت د نور خرابي د مخنیوي لپاره په افغانستان کې زیاتو طبي تجهیزاتو ته اړتیا ده .
دا په داسې حال کې ده چې یو زیاد شمېر نړیوالو بنسټونو له نړیوالو د زیاتې مرستې غوښتنه کړې ده .
