کابل (پژواک، ۱۱ کب ۱۴۰۰) : د افغان نجونو، ښځو او بشري حقوقو په برخه کې د امریکا متحده ایالاتو ځانګړې استازې وايي، د افغانستان د ثبات او ښې راتلوونکي لپاره باید په دغه هیواد کې د نجونو او ښځو له استعدادونو او وړتیا څخه استفاده وشي.
نوموړې د کب پر ۱۱مهؤ، پر خپل ټویټر پاڼه لیکلي چې له تیرو څو ورځو راهیسې یې په قطر کې د هغه هیواد له چارواکو سره د بشري حقوقو، د ښځو حقوقو او په دې برخه کې د اسلامي نړۍ د رهبرۍ د اهمیت په اړه خبرې کړي دي.
میرمن امیري زیاته کړې چې د قطر له ښځینه چارواکو سره یې د افغان د ښځو او هنرمندانو څخه د هغوی د ملاتړ په اړه خبرې کړي دي او هغوی یې هڅولي دي چې له افغانستان سره خپلو بشري مرستو ته دوام ورکړي او همدارنګه په دغه هیواد کې د زده کړو او ودې له بهیر څخه ملاتړ وکړي.
نوموړې ویلي: "موږ په دوحه کې له خپلو زیاتو متحدینو او همکارانو سره د نجونو د زده کړو،د ښځو د کار موندنې او بشري حقوقو په برخه کې زموږ د همغږۍ او هڅو د اهمیت په اړه خبرې وکړې.ټوله ییز پوهاوی داو چې په افغانستان کې پر مختګ د ښځو، نجونو او د ټولنې د هغو غړو په پرمختګ پوري اړه لري چې له خطر سره مخامخ دي."
دغه امریکايي چارواکي د افغانستان د نجونو روباټیک ټېم وروستیو لاسته راوړنو ته اشاره کړې او زیاته کړې ده چې دا د «د افغان نجونو استعداد،بصیرت او هوښیارۍ» یو پیاوړی انعکاس دی.
د امیري په باور د نجونو زده کړه د ټولنې اقتصادي او اجتماعي هوساینې ته وده ورکوي او په خبره یې د افغانستان د پرمختګ سره هم زیاته مرسته کولای شي.
نوموړې زیاته کړې: "په اسلام کې د یوې بډایه تنوع ښودلو لپاره په سیاسي، اقتصادي او ټولنیزو برخو کې به د ښځو د رول او ځای ځایګي په اړه به د اسلامي نړۍ ښکېلتیا ته به دوام ورکړو.افغانستان د خپل راتلوونکي ثبات او پرمختګ لپاره باید د ښځو او نجونو له استعدادونو څخه چې افغانان یې وړتیا لري استفاده وکړي."
غړيYou need to subscribe to view the full article. Please login or register a new account.
