ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

د کندهار په شاولیکوټ ولسوالۍ کې څلور ماشومان وژل شوي

د کندهار په شاولیکوټ ولسوالۍ کې څلور ماشومان وژل شوي

author avatar
18 Mar 2022 - 20:00
د کندهار په شاولیکوټ ولسوالۍ کې څلور ماشومان وژل شوي
author avatar
18 Mar 2022 - 20:00

کندهار (پژواک، ۲۷ کب ۱۴۰۰) د کندهار د امنیې قوماندانۍ چارواکي وایي، د دغه ولایت په شاولیکوټ ولسوالۍ کې د چاودنې له امله څلور ماشومان وژل شوي.

د امنیې قوماندانۍ ویاند محمد اصف حکیمي د کب په ۲۷مه، پژواک خبري اژانس ته وویل، دغو ماشومانو په سیمه کې د هاوان مرمۍ پیدا کړې وه او لوبې یې ورباندي کولې خو مخکې له دې چې مشران ترې خبر شي ؛ نن سهار د هاوان مرمۍ چاودېدلې او څلور واړه ماشومان وژل شوې دي.
دی وایي، په ځينو سیمو کې چې کله ناچاوده مرمۍ یا نور چاودېدونکي توکې لیدل کیږي باید ژر تر ژر امنیتي کسان پرې خبر کړل شي تر څو هغوی یې له منځه یوسي.

د هغه په وینا، په  ټولو سیمو کې باید مشران خپلو ماشومانو ته په دې اړه ووايي، چې په چاودېدونکو توکو لوبې ونه کړي.
شاوخوا دوې اونۍ وړاندې هم د کندهار اروزګان پر لویه لار ماین چاودنې یو ماشوم وژلی وو.
خلک وایي، په ډيری سیمو کې لا هم ځمکني ماینونه او ناچاوده توکې پاتي دي چې باید له منځه ولاړ شي تر څو د خلکو د مرګ ژوبلې لامل نه شي.

Visits: 718

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.