کابل (پژواک، ۵ وری ۱۴۰۱) : د امریکا ولسمشر جوبایډن د روسیې ولسمشر ته ګواښ کړی، که پر اوکراین د روسیې له خوا د کیمیاوي او ممنوعه وسلو کارول ثابت شول، نو ځواب به یې ورکوي.
بایډن دا څرګندونې تیره شپه د بلجیم په پلازمینه بروکسل کې د ناټو د بیړنۍ سرمشریزې غونډې، د اروپایي ټولنې او اوو سترو اقتصادي هېوادونو (جی ۷) تر غونډې وروسته، په یوه خبري کنفرانس کې وکړې.
هغه زیاته کړې، دوی په دې اړه پلټنې پیل کړې چې روسیې په جګړه کې آیا کیمیاوي، بیولوژیکي او نورې ممنوعه وسلې کارولې؛ دغه راز د دې پلټنې هم کېږي، چې ایا روسیه د جنګي جرمونو مرتکب شوی او کنه.
د امریکا ولسمشر په ډاګه کړه، که پر پوټین دا جرمونه ثابت شول، نو نه یوازې هغه په دې برخه کې به ځواب ویونکی وګرځول شي، بلکې ناټو او امریکا به هم ځوابي اقدام وکړي.
د یوې پوښتنې په ځواب کې بایډن دا هم وویل چې پر روسیې دا تورونه هم لګول شوي چې پر اوکراین یې خطرناکې ممنوعه وسلې کارولې، چې په اړه یې په نړیواله کچه پلټنې پیل شوې دي.
بایډن زیاته کړه، پوټین غواړي چې د ناټو سازمان کې بې اتفاقۍ رامنځته کړي، خو دا نړیوال اتحاد به نه یوازې منظم پاتې کېږي، بلکې نور به هم اغېزناک او متحد شي.
هغه د یوې بلې پوښتنې په ځواب کې وویل، امریکا به هېڅکله د اوکراین په جګړه کې ښکېل نه شي، خو مرستې ته به یې ادامه ورکوي.
بل خوا امریکا د روسیې د پارلمان پر ټولو غړو او یو شمیر مهمو دولتي چارواکو او د ځینو روسي شرکتونو پر مشرانو بندیزونه هم اعلان کړي دي.
غړيYou need to subscribe to view the full article. Please login or register a new account.
