د افغانستان، پاکستان او چین د بهرنیو چارو وزیرانو درې اړخیزه ناسته وشوه

[restrict paid="true"]

<p style="text-align: justify;">کابل (پژواک، ۱۰ وری ۱۴۰۱): په افغانستان کې له بدلون وروسته د لومړي ځل پلاره د افغانستان، پاکستان او چین د بهرنیو چارو وزیرانو ګډه غونډه وکړه.</p>

<p style="text-align: justify;">د بهرنیو چارو وزارت له لوري د وري په ۱۰مه خپره شوې اعلامیه کې راغلي چې په دې ناسته کې د بهرنیو چارو وزیر امیرخان متقي وویل، د افغانستان نوی حکومت غواړي له پاکستان او چین سره نږدې اړیکې ولري.</p>

<p style="text-align: justify;">نوموړي ویلي، په سیمه کې د اقتصادي همکارۍ لپاره ښه فرصتونه رامنځته شوي نو اړينه ده چې درې واړه هېوادونه له يو بل سره همکاري ډېره کړي.</p>

<p style="text-align: justify;">متقي زياته کړې، افغانستان د بسپنو پر ځای لېوال دی چې له سیمې سره اقتصادي مشارکت ولري.</p>

<p style="text-align: justify;">د هغه په وينا چې د افغانستان حکومت غواړي مرکزي او جنوبي اسیا د ترانزيټ  له لارې سره ونښلوي او هم د افغانستان محصولات د پاکستان  له  لارې  چین او هند ته ورسېږي.</p>

<p style="text-align: justify;">همدارنګه په اعلامیه کې راغلي چې په دې ناسته کې د چین د بهرنیو چارو وزیر وانګ یي وویل چې درې واړه هېوادونه به د درې اړخيز ميکانيزيم له لارې خپلو همکاريو ته له يو بل سره دوام ورکړي.</p>

<p style="text-align: justify;">وانګ یي غوښتنه وکړه چې باید درې واړه هېوادونه سیاسي او اقتصادي همکارۍ نورې هم زیاتې او ژورې کړي.</p>

<p style="text-align: justify;">دغه راز په دې ناسته کې د پاکستان د بهرنیو چارو وزیر شاه محمود قریشي د سیمې ترمنځ د اقتصادي اتصال ملاتړ وکړ.</p>

<p style="text-align: justify;">د يادونې ده، د غونډې په پای کې پرېکړه وشوه چې دا ډول درې اړخیزې ناستې به دوام پیدا کړي.</p>

[/restrict]