[restrict paid="true"]
کابل (پژواک، ۱٣ ورى ۱۴۰۱): د ملګرو ملتونو د بشري حقونو شورا په افغانستان کې د بشري حقونو وضعیت د څېړلو لپاره، ریچارد بنت د ځانګړی راپور ورکوونکی په توګه ګومارلی دی.
دغې شورا پرون (جمعه) ریچارډ بنت په افغانستان کې د بشري حقونو وضعیت د ارزونې لپاره د ځانګړي راپور ورکوونکي په توګه ټاکلی دی.
ریچارډ بنت په خپله ټوېټرپاڼه لیکلي چې په یوه نوې دنده کې افغانستان کې د بشري حقونو د وضعیت د ارزونې لپاره ټاکل شوی دی.
ده زیاته کړې: «د افغان مېرمنو، نارینه وو او ماشومانو غږ پیاوړي کولو ته ژمن یم.»
په همدې حال کې د افغان مېرمنو لپاره د امریکا ځانګړې استازې رینا امیري د ملګرو ملتونو سازمان د بشري حقونو شورا د افغانستان په چارو کې د ځانګړي راپور ورکوونکي په توګه د بنت له ګومارلو هرکلی کړی او ویلي یې دي، چې په افغانستان کې د بشري حقونو وضعیت د مستند کولو لپاره ځانګړی راپور ورکوونکی اړین دی.
د هغه په وینا، ریچارد بنت باید ټول افغانستان او د دې هېواد ټولو وګړو ته نامحدوده لاسرسی ولري.
[/restrict]
