<p style="text-align: justify;">کابل (پژواک، ۲۸ غبرګولې ۱۴۰۱): د سټنډرډ ملي اداره وايي چې په هرات کې د بېکیفیته نفتي توکو ۱۶ ټانکر بېرته ایران ته مسترد شوي دي.</p>
<p style="text-align: justify;">د دې ادارې ویاند عاشقالله وزیري پژواک خبري اژانس ته وویل چې وړمه ورځ د سټنډرډ ملي ادارې ولایتي دفتر له لوري په هرات کې ١٦ ټانکر بېکیفیته نفتي توکي (پټرول او ډېزل) بېرته ایران ته مسترد شوي دي.</p>
<p style="text-align: justify;">دی وايي، د نفتي توکو مسترد شوو ټانکرونو د سټنډرډ ادارې له سټنډرډونو سره مطابقت نه درلود او په ټاکلو لابراتوارونو کې له کیفیت معلومولو وروسته بېرته ایران ته وګرځول شول.</p>
