<p style="text-align: justify;">کابل (پژواک، ۲ چنګاښ ۱۴۰۱): د کاپیسا د عامې روغتیا ریاست د خوست، ننګرهار او پکتیکا ولایتونو له خلکو سره د غمشریکۍ په موخه ۵۰ زره سيسي وینه راټوله کړې او ورلېږلې یې ده.</p>
<p style="text-align: justify;">د راپورونو له مخې، په افغانستان کې وړمې شپې زلزلې له امله لږ تر لږه ۱۰۰۰ کسانو خپل ژوند له لاسه ورکړی او ۱۵۰۰ نور ټپیان شوي دي.</p>
<p style="text-align: justify;">حکومت د هر قرباني شوي له کورنۍ سره ۱۰۰ زره او د هر ټپي له کورنۍ سره ۵۰ زره افغانۍ د مرستې لپاره ځانګړې کړې دي.</p>
<p style="text-align: justify;">په همدې حال کې د کاپیسا د عامې روغتیا ریاست وایي، د پکتیکا، خوست او ننګرهار ولایتونو له خلکو سره د غمشریکۍ په موخه یې ۵۰ زره سيسي وینه ورلېږلې ده.</p>
<p style="text-align: justify;">د سرچینې د معلوماتو له مخې، د کاپیسا ولایتي روغتون ډاکټرانو دغه وینه په معیاري او خوندي بڼه په پاکټونو کې یادو ولایتونو ته لېږلې ده.</p>
