کابل (پژواک، ۴ چنګاښ ۱۴۰۱): حکومت د سیمې د امنیت او د کوچیانو او ځایي اوسېدونکو ترمنځ پر څرځایونو د شخړو مخنیوي لپاره په میدانوردګو او بامیان ولایتونو کې دوه امنیتي قطعې ځای پر ځای کوي.
د راپورونو له مخې، له تېرو څو کلونو راهیسې د میدان وردګو په بهسود ولسوالۍ کې د څرځایونو پر سر د کوچیانو او هزارهګانو شخړه روانه ده او په تېرو کلونو کې یې څو ځلې وسلهوالې نښتې کړې دي.
څو کاله مخکې په بامیان کې هم د کوچیانو او ځایي خلکو ترمنځ د شخړو راپورونه ورکړل شوي وو.
تېر حکومت څو ځلې د دې مسئلې د حل په موخه پلاوي ټاکلي وو، خو هواره یې نه کړه.
د چارو ادارې نن (د چنګاښ څلورمه) پر خپله ټويټرپاڼه «د کابینې له پرېکړو» په حواله لیکلي چې د میدانوردګ او بامیان والیانو ته دنده سپارل شوې چې د کوچیانو او ځایي اوسېدونکو ترمنځ د څرځایونو پر سر د رامنځته کېدونکو ستونزو د حل په موخه همغږي رامنځته کړي.
سرچينې لیکلي، د سیمې د امنیت او د کوچیانو او ځایي اوسېدونکو ترمنځ د شخړو مخنیوي لپاره دې په بامیان او میدان وردګو کې دوه امنیتی قطعې ځای پر ځای شي.
