جلال اباد (پژواک، ۵ زمری ۱۴۰۱): د ننګرهار د مرکز جلالاباد ښار اوسېدونکي شکايت کوي چې د ښار مختلفو برخو کې پر نشه يې توکو د روږدو کسانو شمېر ورځ تر بلې ډېرېږي.
دوی له ولايتي ادارې او امنيتي مسوولينو غوښتنه لري چې د روږدو کسانو درملنه وکړي، څو نور ځوانان پر نشو روږدي نه شي.
بلخوا د ښار اوسېدونکي، په ځانګړې توګه هټۍوال شکايت کوي چې همدغه روږدي کسان ترې هره ورځ توکي غلا کوي.
محمد رسول چې د بې روزګارۍ او کورنيو ستونزو له امله پر نشه يي توکو روږدی شوی، له حکومته غواړي چې ځوانانو ته کار پيدا کړي او د روږدو کسانو درملنه وکړي.
login or register a new account.
