ګردېز (پژواک، ۲۵ زمری ۱۴۰۱): د پکتيا د کرنې، اوبو لګولو او مالدارۍ رياست وايي، د دغه ولایت په بېلابېلو ولسوالیو کې د کرنیزو ځمکو خړوبولو لپاره د اوبو ۶۰ زېرمې جوړوي.
د چارواکو په خبره، د دغو زېرمو په جوړولو سره به د اوبو ساتنه وشي او د فصلونو خړوبولو لپاره به اوبه زیاتې شي.
د پکتیا د کرنې، اوبو لګولو او مالدارۍ رييس مولوي عبدالروف سعيد پژواک خبري اژانس ته وويل: «نن د دغه ولايت په مرکز ګردېز، سيد کرم او احمد اباد ولسواليو کې د اوبو د ۶۰ ذخيرو جوړولو کار پيل کړ چې د درېيو مياشتو په موده کې به بشپړې شي.»
هغه زیاته کړه، د اوبو د دغو ذخیرو پر جوړولو ۱۸ میلیونه افغانۍ لګښت راځي چې د کرنې ریاست اړوند د ځمکې او ځنګلونو د تلپاتې مديريت پروژې له لوري ورکول کېږي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن