د افغانستان د ځوانانو فوټبال ملي لوبډلې د فیلیپین پر وړاندې ماتې وخوړه

کابل (پژواک، ۲۸ وږی ۱۴۰۱): د افغانستان د ځوانانو فوټبال ملي لوبډلې د اسیا تر شل کلنو د کم عمره اتلولۍ مقدماتي ګروپي سیالیو په‎ درېیمه لوبه کې، د فیلیپین پر وړاندې ماتې وخوړه.‎

د افغانستان د ځوانانو ملي لوبډلې ته د دغو سیالیو په درېیمه لوبه کې، د فیلیپین د ځوانانو ملي ټیم له لوري یو پر صفر ماتې ورکړل شوه.

افغان ملي لوبډلې په خپلو تېرو دوو سیالیو کې د عمان او تایلنډ پر وړاندې یوه بریا ترلاسه کړې او یوه ماتې یې خوړلې ده.

دوی له عمان هېواده لوبه یو پر صفر سره وګټله او د تایلینډ پر وړاندې یې ۳ پر صفر ماته خوړلې وه.