اټلانټا (پژواک، ۱۸ لړم ۱۴۰۱): د هند د بهرنیو چارو وزیر جي شنکر له خپل روسي سیال سره په لیدنه کې ویلي چې نړۍواله ټولنه د افغانستان وروستيو حالاتو ته ډېره پاملرنه نه کوي.
هندي رسنۍ (ټایمز اف انډیا) خبر ورکړی چې د دغه هېواد د بهرنیو چارو وزیر مسکو ته د سفر پر مهال له خپل روسي سیال سرګی لاوروف سره ولیدل.
سرچینې زیاته کړې، په دې لیدنه کې دواړو لورو پر افغانستان ځانګړی بحث وکړ او جي شنکر ګیله وکړه چې نړۍواله ټولنه د افغانستان حالاتو ته ډېره پاملرنه نه کوي.
د هند د بهرنیو چارو وزیر ادعا کړې چې له افغانستانه بهر د ترهګرو فعالیتونه اوس هم یوه جدي اندېښنه ده.
خو د افغانستان د بهرنیو چارو وزارت له دې مخکې دا ډول ادعاوې رد کړې دي.
جي شنکر دغه راز د افغانستان له ګاونډیو هېوادونو وغوښتي څو په ګډه کار وکړي چې دغه هېواد (افغانستان) د ترهګرۍ لپاره ونه کارول شي.
هغه زیاته کړې: «موږ دغه راز له افغانانو سره پر بشري مرستو هم خبرې وکړې خو له طالبانو مو هم هیله ده چې خپلې هغه ژمنې عملي کړي چې له نړۍوالې ټولنې سره یې کړې دي.»
د هغه په وینا، روسیه او هندوستان د ډیرو هغو سازمانونو غړیتوب لري چې هلته د افغانستان په اړه بحثونه کېږي او دوی به په راتلونکي کې هم د افغانستان په اړه له نږدې په اړیکه کې وي.
د هند د بهرنیو چارو وزارت وایي، نړۍواله ټولنه افغانستان ته هغه ډول پاملرنه نه کوي، څه ډول یې چې اړتیا ده.
ده وویل، هېواد یې له افغانستان سره د خوراکي توکو او درملو مرستې کړې دي.
غړيYou need to subscribe to view the full article. Please login or register a new account.
