امنیه قومانداني: بلخ کې یو غل له پولیسو سره نښته کې وژل شوی

مزارشریف (پژواک، ۱۹ لړم ۱۴۰۱): د بلخ امنیتي مسوولین وایي، پولیسو د غلو له پنځه کسیزې ډلې سره په نښته کې د دوی سرګروپ وژلی او ۴ نور یې نیولي دي.

د بلخ امنیې قوماندانۍ له خوا په خپره شوې خبرپاڼه کې راغلي چې د بلخ ولایت مزارشریف ښار د پنځمې امنیتي حوزې امنیتي ځواکونو له وسله‌والو غلو سره نښته وکړه چې په ترڅ کې یې د یادو غلو سرګروپ ووژل شو او څلور نور وتښتېدل.

سرچينه زياتوي، تښتېدلي غله چې څلور تنه وو، د پنځمې حوزې امنیتي ځواګونو تر څار لاندې وو چې هغوی هم نن سهار ونیول شول.

سرچينه کاږي، له یادو کسانو دوه موټرونه او ځیني نور توکي هم نیول شوي دي.