مجاهد: له پاکستان سره د سرحدي شخړې حل په موخه یوې ګډې کمېټې کار پیل کړی

<p style="text-align: justify;">کابل (پژواک، ۲ لېندۍ ۱۴۰۱): د افغانستان سرپرست حکومت وايي، له پاکستان سره د سرحدي شخړو مخنيوي په موخه د افغانستان او پاکستان یوې ګډې کمېټې کار پیل کړی دی.</p>

<p style="text-align: justify;">د پکتيا په ډنډپټان ولسوالۍ کې وړمه ورځ پر ډيورند فرضي کرښې <strong><a href="https://bit.ly/3hUZMf9">نښته</a> </strong>شوې وه چې په کې يو کس وژل شوی او شپږ نور ټپيان شوي وو.</p>

<p style="text-align: justify;">د سرپرست حکومت ویاند ذبیح‌الله مجاهد رسنیو ته <strong><a href="https://bit.ly/3XogJPs">ویلي</a></strong>، له پاکستان سره د سرحدي شخړو د مخنيوي لپاره یوه کمېټه کار کوي او اسلامي امارت له ګاونډیو هېوادونو سره د سرحدي شخړو مخالف دی.</p>

<p style="text-align: justify;">دی وايي: «اسلامي امارت ژمن دی چې له هیڅ ګاونډ هېواد سره ښکېل نه شي. د افغانستان خلک په دې وروستیو کې سولې ته رسېدلي او مونږ نه غواړو د خلکو سوله ګډوډه کړو، په عین حال کې مونږ غواړو د خپلو سرحدونو او خاورې ساتنه وکړو.»</p>

<p style="text-align: justify;">هغه زیاته کړې، د افغانستان او پاکستان ترمنځ یوه کمېټه پر کار بوخته ده، خپلو غونډو ته ادامه ورکوي، څو په راتلونکي کې سرحدي ستونزې پيدا نه شي.</p>