کابل (پژواک، ۱۲ لېندۍ ۱۴۰۱): د افغانستان لپاره د امریکا ځانګړي استازی په داسې حال کې په افغانستان کې د امریکا غږ او آزادي راډیوګانو د خپرونو پر بندېدو اندېښنه ښودلې چې د سرپرست حکومت یوه چارواکي ویلي، دغو راډیوګانو د ژورنالیستیکو اصولو خلاف خپرونې کولې.
د خپرو شویو راپورونو له مخې، د امریکا غږ او آزادي راډیوګانې چې پر اېف. اېم څپو د هېواد په بېلابېلو ولایتونو کې اورېدل کېدې، د اطلاعاتو او فرهنګ وزارت په امر يې د لېندۍ په ۱۰ مه خپرونې درېدلې دي.
په افغانستان کې د دغو دوو راډیوګانو د خپرونو بندېدو اندېښنې راپارولې دي.
د افغانستان لپاره د امریکا ځانګړي استازي ټوماس ویسټ په خپله تويترپاڼه کې لیکلي دي: «افغانان حق لري، چې بې پلوه خبرونو او راپورونو ته لاسرسی ولري.»
له بلې خوا، د امریکا بهرنیو چارو وزارت پر اېف. اېم څپو د امریکا غږ او ازادي راډیوګانو د خپرونو بندول غندلي او دا یې یو ظالمانه اقدام بللی دی.
د امریکا د بهرنیو چارو وزارت ویاند ند پرایس ویلی، امریکا په ټوله نړۍ کې د خپلواکو رسنیو ملاتړ کوي.
پرایس پر خپله ټويټرپاڼه لیکلي: «د افغانستان خلک بېپرې خبرونو ته د لاسرسي حق لري.»
د اطلاعاتو او فرهنګ وزارت د نشراتو رییس عبدالحق حماد د لیندۍ پر ۱۰ مه په یوه ټويټ کې ویلي چې د ازادي راډیو خپرونې درېدلې دي.
نوموړي په دوام کې ویلي وو: «دغه راډیو چې د امریکایانو له اشغال سره سم یې خپرونې پیل کړې وې، د یو طرفه خپرونو او ژورنالیستیکو اصولو د نه رعایت له امله یې خپرونې بندې کړل شوې.»
له بلې خوا، د حکومت مرستیال ویاند بلال کریمي په یوه ويډیويي پیغام کې ویلي وو چې په افغانستان کې د دغه رسنۍ د تړون وخت پوره شوی دی.
کریمي پژواک خبري اژانس ته وویل: «اطلاعاتو او فرهنګ وزارت له هغوی سره قرارداد درلود او قرارداد یې فسخه او لغوه کړی دی.»
نوموړی په دوام کې زیاتوي: «د دغه قرارداد لغوه کول، ښايي د هغوی پر غیراصولي او د ژورنالیستیکو اصولو خلاف خپرونو اغېزې ولري.»
غړيYou need to subscribe to view the full article. Please login or register a new account.
