ګردېز (پژواک، ١۴ لېندۍ ١۴٠١): د پکتيا په څمکنۍ ولسوالۍ کې د نشهيي توکو يوه فابريکه کشف او له منځه وړل شوې ده؛ دغهراز په زرمت ولسوالۍ بیا ٨٠٠ کيلوګرامه چرس ترلاسه شوي دي.
د پکتيا امنيې قوماندانۍ د يوې خبرپاڼې په خپرولو سره ويلي چې امنيتي ځواکونو په څمکنۍ ولسوالۍ کې د نشهيي توکو يوه فابريکه کشف کړې او له منځه وړې ده.
د خبرپاڼې په حواله، له يادې فابريکې څخه بېلابيل ډوله نشهيي توکي او يو باروړونکی موټر ترلاسه شوي چې په تړاو يې پنځه کسان هم نيول شوي دي.
دغهراز د يو بل خبر له مخې، د پکتيا د امنيې قوماندانۍ وياند منيب ځدراڼ پژواک خبري اژانس ته وويل چې په زرمت ولسوالۍ کې له يوه باروړونکي موټر څخه ۸۰۰ کيلوګرامه چرس ترلاسه شوي دي.
هغه وايي، دغه نشهيي توکي چې نورو سيمو ته لېږدول کېدل، په تور یې يو کس هم نيول شوى دى.
د يادونې ده، په دې وروستيو کې د پکتيا ولايت په بېلابېلو سيمو کې د نشهيي توکو جوړولو فابريکې کشف او له منځه وړل شوې دي.
غړيYou need to subscribe to view the full article. Please login or register a new account.
