جلالاباد (پژواک، ۱۴ لېندۍ ۱۴۰۱): د ننګرهار امنيه قومانداني وايي، په جلالاباد ښار کې د ١١٠ بورۍ قيمتي ډبرو او شپږ کيلوګرام هيرويينو د قاچاق په تور درې کسان نيول شوي دي.
د ننګرهار د امنيې قوماندانۍ وياند عبدالبصير زابلي د لېندۍ په ۱۴مه پژواک اژانس ته وويل، د قوماندانۍ اړوند د نشهيي توکو پر وړاندې د مبارزې مديريت منسوبينو د جلالاباد ښار د پنځمې ناحيې په مربوطاتو کې له يو کوره ۱۱۰ بورۍ قيمتي ډبرې ترلاسه کړې دي.
هغه زياته کړه، د دغو ډبرو د غير قانوني ساتنې په تړاو دوه کسان نيول شوي دي.
د قوماندانۍ وياند دغهراز وايي، د ښار د ۹مې ناحيې په مربوطاتو کې يو کس له شپږ کيلوګرامه هيروينو سره نيول شوى چې اوسمهال د امنيې قوماندانۍ په توقيفخونه کې دی.
د قوماندانۍ له لوري پژواک ته په يوه راستول شوي ويډيويي پيغام کې د نشهيي توکو په تړاو نيول شوی کس اعتراف کوي چې نشهيي توکي يې د غنيخېلو ولسوالۍ اړوند مارکو بازار ته د پيسو په بدل کې لېږدول چې ونيول شو.
مسوولين وايي، د نيول شوو کسانو قضيې به ډېر ژر عدلي او قضايي ارګانونو ته وسپارل شي.
غړيYou need to subscribe to view the full article. Please login or register a new account.
