پلعلم (پژواک، ۲۶ لېندۍ ۱۴۰۱): د لوګر په ازرې ولسوالۍ کې د ۶۰ میلیون افغانیو په لګښت پر ۷ کیلومتره سړک د جغل اچولو، د ۶۰۰ متره استنادي دېوال جوړولو او ۴۷ کیلومتره کانال پاکولو درې پروژې بشپړې شوې.
د لوګر د کلیو د بیارغونې او پراختیا رییس مولوي محمدقاسم پژواک خبري اژانس ته وویل، په ازرې ولسوالۍ کې یادې درې پروژې د خوړو نړۍوال پروګرام/ WFP له لوري د ۶۰ میلیون افغانیو په لګښت د شپږو میاشتو په موده کې بشپړې شوې دي.
هغه زیاته کړه، په دغو پروژو کې پر ۷ کیلومتره سړک د جغل اچول، د ۶۰۰ متره په اوږدوالي د استنادي دېوال جوړول او د ۴۷ کیلومټره کانال پاکول شامل دي.
دی وايي، په دغو پروژو کې د سیمې ۸۰۰ کسانو ته د شپږو میاشتو لپاره د کار زمینه برابره شوې وه.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن