پلعلم (پژواک، ۲۶ لېندۍ ۱۴۰۱): د لوګر په ازرې ولسوالۍ کې د ۶۰ میلیون افغانیو په لګښت پر ۷ کیلومتره سړک د جغل اچولو، د ۶۰۰ متره استنادي دېوال جوړولو او ۴۷ کیلومتره کانال پاکولو درې پروژې بشپړې شوې.
د لوګر د کلیو د بیارغونې او پراختیا رییس مولوي محمدقاسم پژواک خبري اژانس ته وویل، په ازرې ولسوالۍ کې یادې درې پروژې د خوړو نړۍوال پروګرام/ WFP له لوري د ۶۰ میلیون افغانیو په لګښت د شپږو میاشتو په موده کې بشپړې شوې دي.
هغه زیاته کړه، په دغو پروژو کې پر ۷ کیلومتره سړک د جغل اچول، د ۶۰۰ متره په اوږدوالي د استنادي دېوال جوړول او د ۴۷ کیلومټره کانال پاکول شامل دي.
دی وايي، په دغو پروژو کې د سیمې ۸۰۰ کسانو ته د شپږو میاشتو لپاره د کار زمینه برابره شوې وه.
د ده په خبره، له بشپړو شوو پروژو به دوه زره کورنۍ په مستقیمه توګه ګټه واخلي.
نوموړي یادونه وکړه، هڅه کوي د مرستندویه ادارو په مټ د دغه ولایت په مرکز پلعلم او یو شمېر نورو ولسوالیو کې هم ورته پروژې عملي کړي.
د ازرې ولسوالۍ یوه قومي مشر حاجي عبدالرحمن پژواک خبري اژانس ته وویل، د دغو پروژو په بشپړېدو د دې ولسوالۍ د «کوزې چوترې، اکبرخېلو او ببرو» کلیو اوسېدونکو ته د تګ راتګ، له سېلابونو د مخنیوي او کرنې د ودې په برخو کې اسانتیاوې برابرې شوې.
د ازرې ولسوالۍ یوه بل اوسېدونکي رحیم الله پژواک خبري اژانس ته وویل چې په یادو پروژو کې یې د شپږو میاشتو لپاره د کارګر په توګه کار کړی او هره میاشت یې شاوخوا ۱۰ زره افغانۍ د حق الزحمې په نوم ترلاسه کړې دي.
هغه زیاته کړه، یادې پروژې د نوموړي او د ازرې ولسوالۍ د سلګونه وزګارو ځوانانو لپاره د کار کولو ښه فرصت وو.
د خوړو نړۍوال پروګرام له لوري د لوګر په مرکز پل علم، محمداغې او بره کي برک ولسوالیو کې هم شاوخوا ۲ زره کسانو ته د کار زمینه برابره شوې چې په بېلابېلو رغینزو پروژو کې په کار بوخت دي.
غړيYou need to subscribe to view the full article. Please login or register a new account.
