لښکرګاه (پژواک، ١٧ مرغومى ١۴٠١): د هلمند ولايت يو شمېر قومي مشران زدهکړه د ښځو شرعي حق بولي او ټينګار کوي چې ښځو ته دې په اسلامي چوکاټ کې د زدهکړو زمينه برابره شي.
د روان کال په پيل کې سرپرست حکومت له شپږم ټولګي پورته د نجونو زدهکړې وځنډولې او شاوخوا يوه مياشت وړاندې يې اعلان وکړ چې تر دویم امر پورې نجونې پوهنتونونو ته هم نه شي ورتللى.
د اړوندې موضوع په اړه د هلمند ولايت يو شمېر قومي مشرانو او ديني عالمانو نن ګډه غونډه جوړه کړې وه.
د غونډې يوه ګډونوال او قومي مشر حاجي نورعلي وويل، حکومت دې له شريعت سره سم نجونو ته د زدهکړو زمينه برابره کړي.
دغهراز يو بل قومي مشر اميرمحمد وايي چې زدهکړه پر نر او ښځه فرض دى، نو حکومت باید ښځو ته د زدهکړو زمينه برابره کړي.
هغه زياته کړه، ښځه د ټولنې نيمايي برخه جوړوي، په ډېرو برخو کې ورته اړتيا ليدل کېږي، نو بايد زدهکړې بشپړې کړي.
خو په ياده غونډه کې د هلمند د عالمانو شورا رييس مولوي محمداسماعيل بيا د اسلامي امارت د مشر د هغه فرمان هرکلى وکړ چې پر اساس يې په پوهنتونونو کې د نجونو زدهکړې او په غيردولتي موسسو کې د ښځو دندې ځنډول شوې دي.
ده وويل، يو شمېر هېوادونه په افغانستان کې د شرعي نظام له رامنځته کېدو سره مخالفت کوي، خو له هرې ممکنه لارې دلته بايد شرعي نظام حاکم شي.
دا په داسې حال کې ده چې د لوړو زدهکړو وزارت سرپرست شیخ ندامحمد ندیم په په خپلو څرګندونو کې ښځینه محصلانو لپاره د پوهنتون درسي نصاب، له نارینه محصلانو سره په ټولګیو کې یو ځای تدریس، په لیلیو کې د نجونو پاتې کېدل او د حجاب نه مراعتول هغه څه یاد کړي چې له مخې یې د نجونو پر مخ د پوهنتونونو دروازې تړل شوې دي.
غړيYou need to subscribe to view the full article. Please login or register a new account.










