[restrict paid="true"]
کابل (پژواک، ۲۸ مرغومی ۱۴۰۱): د افغانستان برېښنا شرکت وایي، په کابل کې د سلګونو پوروړو پېرودونکو د برېښنا مزي یې پرې کړي دي.
د دغه شرکت له خوا د مرغومي په ۲۸مه، یوه خپره شوې خبرپاڼه کې راغلي چې د کابل ښار د چمتلې برېښنا مدیریت اړوند د شکر درې ولسوالۍ په ځینو اړوندو سیمو کې، د یولړ عمومي حشر په ترڅ کې له دوو دورو نه پورته د شاوخوا ۸۰۰ پوروړو پېرودونکو د برېښنا مزي د کابل برېښنا فني کارکوونکو له خوا پرې شول.
سرچینې زیاته کړې، په داسې حال کې چې د یادو پوروړو پېرودونکو د برېښنا مزي مخکې د برېښنا فني کارکوونکو له خوا پرې شوي وو، خو دوی په خپلسر د خپلې برېښنا مزي په بېرته نښلولو لاس پورې کړي وو.
برېښنا شرکت خلکو ته ویلي چې د پېرودونکو له خوا د برېښنا لګښت پروخت تحویلول د برېښنا مزو د پرې کېدو مخنیوی کوي.
[/restrict]
