[restrict paid="true"]
مزارشریف (پژواک، ۵ کب، ۱۴۰۱) د بلخ ځایي امنیتي مسوولین وایي، یو اوه کلن ماشوم چې نږدې دوه اونۍ وړاندې تښتول شوی و، د انسان تښتوونکو له منګولو وژغورل شو.
د بلخ امنیه قومندانۍ ویاند محمد آصف وزیري د کب په ۵مه، پژواک اژانس ته وویل، عبدالله د نجم الدین زوی چې اوه کاله عمر لري د روان کال سلواغې میاشتې په ۲۳ مه نېټه د مزارشریف ښار له کارته باختر سیمې څخه د انسان تښتونکو له لوری تښتول شوی، چې نن بېرته خپلې کورنۍ ته وسپارل شو.
د وزیري پر وینا، تښتول شوی ماشوم د بلخ امنیتي ځواکونو د ځانګړو عملیاتو په ترڅ کې ژغورل شوی او د نوموړي ژغورنې پر مهال یو انسان تښتوونکی هم د امنیتي کسانو سره په نښته کې وژل شوی.
دا په داسې حال کې ده، چې تر دې وړاندې دوه بلخي ځوان او یو بل ځوان چې له کابل څخه راتښتول شوی و د انسان تښتوونکو له منګولو ژغورلي شوي و او په تړاو درې کسان هم نیول شوي و
[/restrict]
