اتو ولایتونو کې د جرمونو په تور ۲۹ کسان نیول شوي

ابل (پژواک، ۱۵ کب ۱۴۰۱): د کورنیو چارو وزارت وایي، په تېرو ۲۴ ساعتونو کې په اتو ولایتونو کې یې د بېلابېلو جرمونو په تور ۲۹ کسان نیولي دي.

کورنیو چارو وزارت پر خپله ټوېټرپاڼه لیکلي، دغه کسان یې د غلا، جعلي اسنادو جوړولو، قمار او ناقانونه وسلو ګرځولو په تړاو په پلازمېنې کابل، کندهار، غزني، پکتیا، سرپل، نیمروز، کنړ او هرات ولایتونو کې نیولي دي.

سرچینې لیکلي، له دې ډلې اته کسان په کندهار کې د غلا، درې په غزني کې د غلا، دوه په نیمروز کې د غلا او جعلي اسنادو جوړولو، درې په پکتیا کې د غلا، لس په سرپل کې د قمار، دوه په کونړ کې د غلا او یو کس په هرات کې د ناقانونه وسلو ګرځولو په تړاو نیول شوي دي.