منځپانګې ته تلل
سه‌شنبه ۱۷ نومبر ۲۰۲۶ · کابل ۳:۰۶ غ.و
۱۴°صاف · ↑۱۴° ↓۰°د هوا کیفیت: منځنی
غړي

درېیو ولایتونو کې له سلګونو کورنیو سره نغدي، د خوراکي توکو او کیمیاوې سرې مرسته وشوه

· ۲ دقیقې لوستل · ۲۱۵ کتنې

کابل (پژواک، ۲۳ کب ۱۴۰۱): په فراه کې له ۳۴۵۷ اړو کورنیو سره د خوراکي توکو او نغدو پيسو مرستې لړۍ پيل شوه، په اروزګان کې له ۱۵۸۹ اړو کورنیو او ۱۵۸۸ کارګرو سره د خوراکي توکو مرسته وشوه او په لغمان کې بیا له ۴۰۰ بزګرانو سره د کیمياوي سرې مرسته وشوه.

د فراه په پشت‌رود او پشت‌کوه ولسوالیو کې نن له ۳۴۵۷ اړو کورنیو سره د خوراکي توکو او نغدو پيسو مرستې لړۍ پيل شوه.

د یاد ولایت د اطلاعاتو او فرهنګ رییس مولوي عبدالحی سباوون پژواک خبري اژانس ته وویل، نن په پشت‌رود ولسوالۍ کې د خوړو نړۍوال پروګرام/ WFP له خوا له ۲۵۲۰ اړو کورنیو سره د خوراکي توکو د مرستې لړۍ پيل شوه.

هغه زیاته کړه چې هرې کورنۍ ته ۵۰ کیلوګرامه اوړه، پنځه لېټره غوړي، ۶ کیلوګرامه دال او ۳۰ پاکټه د خوارځواکو ماشومانو او مېرمنو لپاره د تقویې خواړه ورکول کېږي.

همداراز د فراه ولایت د اطلاعاتو او فرهنګ ریاست پژواک ته په یوه رالېږلې خبرپاڼه کې ويلي چې نن د بشري مرستو د همغږۍ موسسې (OCHR) له خوا په پشت‌کوه ولسوالۍ کې له ۹۳۷ اړو کورنیو سره هم د نغدو پیسو مرسته شوې ده.

سرچینې ويلي، هرې کورنۍ ته ۵۲۵۰ افغانۍ ورکړل شوې دي.

د یو بل خبر له مخې، د اروزګان په چورې ولسوالۍ کې له ۱۵۸۹ اړو کورنیو او ۱۵۸۸ کارګرو سره د خوراکي توکو مرسته وشوه.

د یاد ولایت د کلیو بیارغونې او پراختیا ریاست اداري مدیر ننګیالي حبیبي پژواک خبري اژانس ته وویل، دغه مرسته د خوړو نړۍوال پروګرام/ WFP له لوري وشوه چې تخنیکي چارې یې د دغه ریاست پر غاړه وې.

هغه زیاته کړه، هرې کورنۍ ته ۱۰۰ کیلوګرامه اوړه، ۱۲ کیلوګرامه دال‌نخود، ۱۰ لېټره غوړي، یو کیلوګرام مالګه او ۵ کیلوګرامه د خوارځواکو ماشومانو د تقویې خواړه ورکړل شول.

نوموړی وایي، ټولټال ۳ زره ۱۷۷ کسانو دا مرستې ترلاسه کړې چې ۱۵۸۹ یې د بې‌وزلو کورنیو سرپرستان او ۱۵۸۸ نور یې کارګر وو چې په خپلو کلیو کې د خوراکي توکو په بدل کې د لارو جوړولو پر کار ګومارل شوي وو.

له بلې خوا، د لغمان د کرنې رییس مولوي محمد ولي محسن پژواک خبري اژانس ته وویل، نن د دغه ولایت په مرکز مهترلام کې د خوړو نړۍوال پروګرام له خوا له ۴۰۰ بزګرانو سره د ۳۶ میلیون ۷۹۱ زره افغانیو په ارزښت د کیمياوي سرې مرسته وشوه.

هغه زیاته کړه چې هر بزګر ته ۲۵ کیلوګرام توره او ۲۵ کیلوګرام سپينه سره ورکړل شوه.

غړي

You need to subscribe to view the full article. Please login or register a new account.

اړوند خبرونه

ټول ټولنه